Dt 25th September 2026 khan District Child Protection Office Lunglei bultumin ‘Safe and Responsible digital use’ tih thupuia hmangin Ralvawng middle schoolah awareness neih a ni.
He hunah hian District Child Protection Officer Pu David Zaitinvawra chuan District Child Protection Office in hna an thawh hrang hrang te hrilhhriatna a nei a, hemi hnu hian Pu Rohluzuala Hnamte chuan tunlai a inbiakpawhna khawl thil kan hman hrang hrangte leh social media hman dan tha te, fimkhur ngaihna leh a nghawng theihte a sawi a. Naupangte, nu leh pate’n fimkhur zawk a kan lo hman theih dan tur te a sawi bawk. Hemi zawh hian Lallawmzuali chuan hursualna hrang hrang laka naupang venhimna dan POCSO Act 2012 chungchang sawiin Nu leh pa ten kan fimkhurna tur te, hemi dan in thilsual titu a hrem theih dante leh naupangte hursualna hrang hrang laka kan lo invenna tur te a sawi bawk. Hemi zawh hian J.Vanparmawii chuan Naupangte an lo him zawknan a childline 1098 function dan te, hman tangkai anih theih dan te, mipui ten nasa zawk a kan chhawr dan turte a sawi bawk.
He hunah hian middle school leh high school zirlai naupang 40 chuang nu leh pa te leh khawtlang hruaitute an tel bawk. He hun hi HATIM Lunglei, BSW rural camp neih mek te hmalakna pakhat a ni bawk. Hun hlawkthlak tak leh tha tak a hman a ni a, a kal zawng zawng ten kan hlawkpui hle.
