Naupang Home-a awmte hi kum 18 an tlin chuan an chhuah a ngai tawh thin a, Home chhuahsan a puitling taka mahni ke a ding thei turin kawng tinrengah zirtir leh kaihhruai an ngai a. Hemi tihlawhtling tur hian After-Care programme buatsaih a ni. After-Care organisation hi mipa leh hmeichhia awmna Aizawlah a awm.
Dan hian naupangte hi puitling taka chhuak tur leh hlawhtling tur hian ruahmanna tha tak a siam a ni. He After Care programme-ah hian naupangte tui zawng/chemkalna haichhuak turin Counsellor-ten theihtawpin hma an la a. Naupang zawng zawngte hian lehkhazir an tui vek loh avangin Vocational Training (an tui zawng thiam thil) hai chhuahsak an ni thin a ni. Naupangte hi Home-ah an awm reng theih loh avangin sorkarin kum 18 an tlin hnua an inhaikuak ve nan kum 21 an tlin thlenga an awmna tur After Care Home a buatsaih leh zel hi a tha em em a. He programme kal tlang hian naupang tam takin hlawhtlinna an lo chang ve tawh a ni.