Naupangin tha taka awmpuitu tur chhungte a neih loh chuan, hun eng emaw ti chhung naupang chu chhungkaw dangin an lo awmpui/enkawl lailawk thei a, chu chu Forster Care chu a ni. Naupang leh an chhungte dinhmun a zirin Foster Care hun chhung hi siam a ni. Hemi chhung hian naupang chhungte chu naupang thanlenna tur atana duhthusam an lo nih theih nan an lo insiamrem beisei a ni.
Naupangin chhungkua a neih hi dikna chanvo anih angin chhungkaw tha tak an mahni tha taka lo enkawl duhtu te zawn sak an ni thin a ni. Naupangte hi thla 6 an nih atangin mi tlawmngai chhungkua an awm a nih chuan Foster Care in an enkawl thei a ni. A bik takin naupang Home a awmte hian chhungkaw nihphung leh awmzia an hriat thin loh avangin naupang tha taka enkawl duhtute tan awmpui theihna Dan a awm vek a. Naupang emaw a enkawl duhtu chhungkuate chu uluk taka zirchian hmasak niin Counselling pawh uluk taka kalpui an ni thin a ni. Naupang Home-a awm kher lo enkawltu mamawh te pawh dan ang thlapa enkawl (Foster) theih niin, Foster Care a a awmpuitute hian kum 5 an enkawl a, an duh anih chuan dan ang thlapin fa atan lak theihna dan pawh a awm a ni.