Vawiin dt.24.7.2025 khan YMA Sub-Hqrs, Lunglei hruaitute leh District Child Protection Unit, Lunglei a thawktute inkawmhona Pu David Zaitinvawra, DCPO Lunglei Office-ah neih a ni. He hunah hian YMA Sub-Hqrs hruaitute atangin President Pu K Lalfakzuala hovin mi pali an tel.
He inkawmhona kaihruaitu Pu David Zaitinvawra, DCPO chuan Lunglei district dinhmun hrang hrang CWC, JJB leh POCSO dan hnuai a naupang chunga hleilenna thlen dan dinhmun te sawiin mi tam zawkin min hriatpui se, engtinnge a theih angin hma kan lak tlang theih ang tih min ngaihtuah pui se,kohhran leh mipui vantlang te hian thahnem ngai takin naupang ten an dikna chanvo an hmuh theihna tura hmalakpui turin a ngen bakah YMA hruaitute leng tura an sawmna an tih hlawhtlin sak avangin lawmthu a sawi. YMA Sub Hqrs Lunglei Secretary Pu Zothanzuala Hnamte pawhin YMA Sub Hqrs, Lunglei dinhmun te sawiin tun dinhmunah YMA Sub Hqrs Lunglei hnuaiah Group 12 awmin member mi 52521 an awm mek thu te, Youth Hostel tur kumthar lamah Pukpui ah sak an tum thu te a sawi bawk.
He hunah thusawitu dang Pu K Lalfakzuala, President YMA Sub Hqrs YMA Lunglei chuan Training and Youth Affairs an neih thu leh mamawhna nei kan awm anih chuan hman tangkai theih in an awm thu leh inkawmhona tha tak an neih avanga lawmthu sawina a nei bawk a ni. Vawiin inkawmhona ah hian YMA Sub hqrs, Lunglei atangin Pu K Lalfakzuala, President hovin Pu Zothanzuala Hnamte, Secretary, Pu K Vanlalhruaia Treasurer leh Pu Zohmangaihsanga Chhakchhuak, Secy, Training & Youth Affairs te an tel a ni.