THE SALVATION ARMY : KAWLKHUMA BOYS HOME
DETAILS OF THE INSTITUTION : Kawlkhuma Boy’s Home hi 1st March 1980 ah khan Mizoram-a Salvation Army hmuchhuaktu Pu Kawlkhuma hming chawi a din a ni. Kum 2015 January atang khan K.K.Home hi sawrkar nen in thlun zawm in, Integrated Child Protection Scheme (ICPS) tun a Mission Vatsalya ni ta hnuaia funded a ni a, Juvenile Justice (Care and Protection of Children) Act, 2015 leh Firm & Society hnuai ah kan in register a ni. Tichuan, tun ah hian District Child Protection Unit, Lunglei District enkawl na hnuai ah kan awm mek a ni.
Kan home capacity hi 25 a ni a, Sawrkar enkawlna hnuaia kan awm hnu ah hian naupang 91 lai enkawl an lo ni tawh a, thawktu hi Pakua awmin, House Father,Cook leh Superintendent te chhungkua in campus ah hian an awm chilh a, Case Worker, Counsellor, Accountant, Para-Medical Staff, Helper leh House Keeper te hi pawnlam atangin nitin an kal thung a ni.
KK Home ah hian fahrah leh chanhai te chhawmdawl nan, lainatna, hmangaihna leh Pathian thu nen naupangte enkawl thin an ni. Naupang hi kum 6 atanga kum 18 an nih thleng chauh an awm theih avangin he Home a an awm chhung hian an nungchang ah te, rilru hriselna kawng ah leh nun dan thiamna (Lifeskill) te abik takin zirna (Education) a hmasawnna kan ngai pawimawh hle a, an puitlin thlenga nunkawng dik zawh a, thiamna engemaw tak nei a, pangai tak a khawsak an rel ve theih na turin, naupang Kum 18 tling tawh te chu an mamawh dan azirin After Care Programme tepawh kan dilsak ve thin a, tun ah hian After care a naupang zirna chhunzawm mek B.A zirlai 1 leh MSW zirlai 1 kan nei a, Tshirt Printing & Photography pakhat in a zir mek a, Hair Cutting zirlai pakhat kan nei bawk a, an vaiin pali After care ah hian an kal tawh a ni.