Dt. 23rd July, 2025
Kum 2016 – 2025, Kum 10 chhungin Lunglei Districtah hur sualna lam hawia hleilenna (POCSO Case) tuar tu naupang 111 an awm a; Kum 7 – 14 inkar ten tuar tam berin, hursualna lam hawia naupang khawihtu zingah Kum 18 – 30 inkar an tam ber a, Kum 70 chunglam mi 2 an awm bawk.
Lunglei District Child Protection Officer Pu David Zaitinvawra chuan vawiin khan a pisa-ah Lungleia thu thar thehdarhtute a kawm a, Kum 10 chhunga hursualna lam hawia naupang khawihtu zingah Kum 18 – 30 inkar an tam ber a, mi 33 an awm tih sawiin, Kum 31 – 40 inkar mi 23, Kum 41 – 50 inkar mi 15, Kum 51 – 60 inkar mi 12, Kum 61 – 70 inkar mi 4 leh Kum 71 – 80 inkar mi 2, an vaiin hursualna lam hawia naupang khawihtu mi 89 an awm thu a sawi.
Lunglei DCPO chuan hursualna lam hawia naupang khawihtute chu naupangin a hmel hriat sa leh a nel tawh sa te an ni tlangpui tih a sawi bawk.