Naupang chu amah hringtu nu leh pa ten an thihsanin emaw, an thlahthlamin emaw midangin dan hmangin fa atan an la thei a, hei hi Adoption kan tih chu a ni. He Service kengkawh tur hian ICPS hnuaiah State Adoption Resource Agency (SARA) a awm a. Tin, hei bakah Adoption kalpui tur hian Specialized Adoption Agency (SAA) a awm bawk a. SAA hi Aizawl, Lawngtlai, Lunglei, Mamit leh Siaha District-ah te a awm. Nu leh pa dan hmanga fa le turte hian dan hmanga fa lak hi a himin a tha em em a ni tih kan hriat a pawimawh hle a ni. Amaherawhchu, dan hmanga fa la tur hian kum bithliah hrang hrang leh hriat tur tul a awm avangin Specialized Adoption Agency (SAA) leh DCPU, Lungleiah engtik lai pawhin zawhfiah theih reng a ni. Lungleia Adoption Agency hi Baptist Child Resources Centre niin, BCO hmun Ramzotlang, Serkawn ah biak theihin an awm reng a ni.
