Vawiin dt.14.11.2024 chawhma dar 11:00 khan Bethel Centre, Chhumliamkawn ah District Hub for Empowerment of Women(DHEW),DPO(WCD) leh District Child Protection Unit, Lunglei buatsaihin Children’s Day 2024 lawmna neih a ni. He hun hi Pu C Lalnunfela, DPO Lungleiin kaihruaiin Khuallianah Pi Rochuangkimi Khenglawt,Addl.DC Lunglei hman a ni. Children’s Day lawmna hunah hian Lunglei district chhunga Naupang enkawlna Homes hrang hrang a thawktute leh naupang te an tel. He huna Khuallian Pi Rochuangkimi Khenglawt chuan Children day India rama lawm anih chhan India Prime Minister hmasa ber Pu Jawaharlal Nehru piancham hriatreng nan leh chawimawi nana hman anih thu te, ani hi naupangte ngainatu leh dah pawimawh tu anih thu a sawiin Vawiin hi naupangte ni anih anga hlim taka hmang turin kalkhawm te duhsakna a hlan a, Women &Child Development department ten naupangte tan hma nasa taka an lak thu te leh kan vela naupangte an him leh him loh te, enkawl leh tanpui an ngai an awm leh awm loh te hi kan zavai a mawhphurhna anih thu te leh naupang enkawlna a thawktu te zawng zawng thahnem ngai taka thawk zel turin a chah bawk. He huna thusawitu dang Pi Malsawmzuali Zadeng, Co ordinator chuan khawih dan him leh him lo te sawifiahna a nei a, Pu Zonunsanga homes a lo awm tawh chuan a hun tawh te leh home a a awmlaia harsatna hrang hrang a hmachhawn dan te leh a talchhuah dan te sawiin kum 8 mi anihlai a home a awm anih thu a sawi bawk. He hunah hian Bethel Centre, KK Homes, BCO&BCRC leh Special Home naupangte atangin zai leh lam te ngaihthlak leh thlirho a ni bawk. Pi Lalrinkimi Hmar DCPO Lunglei chuan lawmthu sawina a nei bawk. Hemi hnu hian Bethel Centre tual zawlah intihhlimna hun naupang ten an nei zui bawk a ni.
