Children’s Day, 2025 chu District Child Protection Unit leh District Programme Office Lunglei buatsaihin ni 14.11.2025 hian Lunglei district-a naupang enkawlna Home hrang hranga thawktute leh naupangte bakah Child Welfare Committee, Juvenile Justice Board member- te leh District Programme Office-a thawktute nen Terrace Farm, Kawmzawlah hlim taka hman a ni. He programme hi Pi R. Lalduhawmi, Additional District & Session Judge, Lunglei district chuan Khuallian niin a hman pui.
Naupangte Ni programme hi hlawm hnih a then a ni a. Ist Session hi Pu David Zaitinvawra DCPO, Lunglei chuan a kaihhruai a, Rev. K. Laldosanga, Superintendent, Baptist Church Orphanage chuan hunserh a hmang a ni. Khuallian Pi R. Lalduhawmi chuan thu sawiin, naupangte pawimawhna leh hlutna te tarlangin naupangte chu anmahni enkawltute thu zawm zel thin tur leh zirna kawngah theih tawp chhuah tura a fuih bakah ngaihhlut tur dik hre turin a chah a. Khuallian chuan Children’s Home enkawltute chu inpekna nen naupangte enkawla kaihhruai zel turin a fuih bawk.
He hunah hian Dr. R. Vanlalhmachhuani, Chairperson, Child Welfare Committee, Lunglei district chuan thusawina hun a hmang a, Lalramnunpuii Punte, Specialist in Financial Literacy, DPO Office, Lunglei pawhin thusawina hun a hmang bawk a ni.
2nd Session hi Pi F. Lalruatpuii, Case Worker, Baptist Church Orphanage chuan kaihrauiin 2nd Session ah hian naupang leh naupang enkawlna Home hrang hranga thawktuten item chi hrang hrang hmuhnawm leh rilru khawih tàk tak te an entir bakah an thiamna leh theihna te kawng hrang hranga phochhuahna hun an hmang a, mit leh beng a tlai hle.
He programme- ah hian chawchhun tuihnai tak kilho niin naupang kalkhawm zawng zawngte hnenah thilpek (gift bag) hlan a ni a, naupangte hi intihhlimna hun nuam leh hlimawm tak hmanpui an ni bawk. Pu T. Lalhlimpuia, Member, Child Welfare Committee, Lunglei District chuan tawngtaina hmangin he programme hi tihtawp a ni.