Vawiin dt. 24th.Nov.2025 hian District Child Protection Unit leh Full Life Access Trust ( FLAT ) Lunglei buatsaihin Ka Thiante In Venglai Lungleiah Advocacy & Consultation Meeting on Adoption hun hman a ni.
Advocacy & Consultation Meeting hi Pu David.Zaitinvawra District Child Protection Officer in a kaihruaia. Major Lalnunmawii, Superintendent Kawlkhuma Boys Home chuan Hunserh a hmang a.
P.C Laldingpuii Protection Officer, DCPU in hun buatsaih chhan leh kalkhawmte lawmna thu sawiin, fa lak dan chungchang chu mipuiten kan la hriat tawk loh em avanga hetiang hun hi buatsaih a nih thu a sawi.
Resource Person Jacob Tong, Social Worker, Baptist Child Resources Centre chuan kum 2017 atangin Lunglei District ah Baptist Child Resources Centre (BCRC) chuan naupang lak tir hna an thawk tan tih a sawi a, chhungkaw 12 in register tawh awmin chhungkaw 2 chu fa an hmuh sak tawh a, tunah hian chhungkaw 5 in fa la tur in an nghak mek a, fa a lak theih naupang 4 an kawl mek tih a sawi. Fa lak dawnin registration tih angaih bakah chhungkaw thlalak te, Pan Card, Marriage Certificate leh Document pawimawh dang neih ngaite Pu Jacob-a hian sawiin, registration hi Agency duh zawngah a tih theih tih sawi bawkin Cheng Sang 6 in registration a tih theih a thu te a sawi bawk a.
Hemi hnu hian meeting-na a kalkhawm ten sawihona hun hmang in zawhna leh chhanna hun te hman a ni. Resource Person dang Rev.K. Laldosanga Superintendent, Baptist Church Orphanage Home, chuan mizo in fa lak kan duhlohna chhan tam ber chu en hran hlauh vang leh an sual duh tihte a ni a, mahse hei hi a diklo a enkawl thiam loh vang mai niin fa lak an nih avanga an sualna bik tur an awm lo, miin fa an lak hian an fa tak tak a ni tih kan inpawm sak thiam angai thu a sawi a. Rev. K. Laldosanga chuan Mizo te hian Dan anga fa lak hi kan in tihhmuh angaih thu te sawi bawk a ni. Hun kaihruaitu Pu David Zaitinvawra, DCPO chuan Concluding remarks – sawina hun a hman zawh ah, Pi H Lallianpuii, Programme Administrator, Full Life Access Trust (FLAT) in kalkhawmte hnenah lawmthu sawina hun hmangin meeting hi ti tawp a ni.