Vawiin ni 12.03.2026 hian District Child Protection Unit, Lunglei District buatsaihin Mualcheng South mipui te hnenah Digital Literacy and Cyber Security in connection with POSCO Act, 2012 and Child And Adolescence Act, 1986 chungchang ah Awareness Programme hman a ni.
He hun hi Pu Zosangliana VCP, Mualcheng South in kaihruaiin, Pi V. Lalrinawmi, Advocate, District Legal Service Authority leh Pu Robin Lalramnuama, Counsellor, CHL, District Child Protection Unit, Lunglei ten thu an sawi a ni.
Pi V.Lalrinawmi chuan Mualcheng South mipui te hnenah naupang enkawl dan tur tul pawimawh te, chhungkaw mawhphurhna te leh nu pawimawhna te a sawi lang a ni. Tin, social media hman fimkhur a tul zia leh POCSO act hrang hrang te leh a hremna dan te sawiin naupang mai bakah nu leh pate fimkhur lehzual a tul thu a sawi bawk a ni. Pu Robin Lalramnuama chuan Child & Adolesence Labour act 1986 chungchangah zirtirna leh hriattur pawimawhte mipui lokal khawm hmaah a sawi a. Child Labour nihphung leh hei hi danin a khap thu te, a tih tirtu te chungah danin hremna a lekhawh theih dan hrang hrang te a sawi a ni. Awareness Programme hman hi Mualcheng South mipui kal khawm te hian hlawkthlak an tih bakah naupang an enkawl zelna tur atan tha an ti hle a ni.