Vawiin 7th Oct, 2025 hian District Child Protection Unit, Lunglei District buatsaihin ‘Digital Literacy and Cyber Security in Connection with POCSO act, 2012 and PCM Act, 2006’ tih thupui hmangin BCM Headquarters Hall, Serkawn ah, BHSS zirlai naupang nu leh pa te hnen ah zirtirna pek a ni a.
He hun hi District Child Protection Officer, Pu David Zaitinvawra chuan kaihhruai in, Rev R. C. Lalthanzama Director Social Concern Dept, BCM in program te Pathian hnena hlanna te a nei bawk. He programme khuhhawnna (kick off) hi Pu J Lalmuankima SP, Lunglei in a hmang a. Pu C Lalhmingmuana, Principal BHSS, Serkawn in zirlai nu leh pa te tan a he programme hi a pawimawh thu ta a sawi a. Resource Person – Pu K. Beihmotaosa, Addl SP, Lunglei in presentation te nei in, zawhna leh chhanna hun te hman a ni a. C Lalenkawli DCPU Lunglei in vote of thanks sawi in programme hi tih tawp a ni.
