- Coronavirus hlauhna leh lockdown avanga rilru nasa taka a nghawng theih lai a, naupang chunga hursualna thleng te, mipa emaw hmeichhia emaw a nih avanga enhranna te, naupang chunga tharum thawhna te hian rilru lamah a tha lo zawngin harsatna nasa takin a thlen thei a ni. Naupangte chunga hleilenna thleng thei lakah i fimkhur theuh ang u.
- Naupang hritlang, khuh, leh hnap tui te Doctor te enfiah hma a Coronavirus hri kai ang maia en hran leh endawng an nih chuan hei hian mihring kan nihna anga intluk tlanna dan a bawhchhia tih hria in, i fimkhur theuh ang u.
- Taksa hriselna ngaipawimawh turin naupangte zirtir thin ang che. Entirnan: Taksa insawizawi, eitur tha leh hrisel ei, mut that leh a dang te.
- Coronavirus avang hian naupangte an mangang in an thlabar ve thei tih hria ila, kan tawngkam chhuak leh titi te fimkhur in, tithlabar lo zawng a kan tawng a pawimawh hle. Naupang te thlamuantu nih i tum hram hram ang u.
- Naupangte hian ngaihtuahna an seng ve nasa em em a, tunlai boruak hian a ti thlabar ve thei hle a ni. An mizia azirin an nunphung a danglam ve thei tih hriat a tha. Naupang thenkhat an ngawichawi em em a, a then erawh an thin a rimin an tum bur thei a, heng zawng zawng hi kan hriat thiam a tul hle.
- Lockdown avanga school chawlh lai a ni a, chhungkaw tam zawk chuan naupang infiamna atana In hmun zau te kan nei lo a ni thei, chuvang chuan in lam a an infiam, Inkhualtelem te phalsak ila, an infiamna (toys) te pawh an lo dah hnawk rem rum a nih pawh in rilru zau tak pu in i phalsak hram ang u.
- Naupang chu che reng mai, awm hle hle thei lo an nih avang hian puitling zawk ten infiam pui thin ila, thawnthu chhiarsak te, in chhunga an tih theih ve tawk siamsak te leh hahdam taka an awm theih nan theihtawp i chhuah hram ang u.
- Naupang harsatna tawk leh tanpui ngai kan hria anih chuan Childline number 1098 ah emaw Lunglei District Child Protection Unit number 9856157380 ah engtiklai pawhin a biak theih.