Dated 20.09.2021 hian Child Welfare Committee, Lunglei kalchhuak tur te CWC committee room Lungleiah thlahna neih a ni. He thlahna hun hi Pu Joseph Vanlaltluanga Accountant, DCPU Lunglei in kaihruaiin CWC member kalchhuak tur te hnen atangin an hun tawn leh sulhnu, an hmalakna te leh an lo thawh dan chanchin ngaihnawm tak tak te ngaihthlak niin vawiin a Child Welfare Committee member kalchhuak ta te hi: Rev.Dr.Raltawnga, Chairperson, Pu F Romawia, Member, Dr.Lalnunsangi, Member, Pu Malsawmdawngliana, member leh Pi Lalthangluaii, member te an ni. Child Welfare Committee member kalchhuak ta te hi ngaihhruina thilpek DCPU Lunglei aiawhin Pi Zokhumi Counsellor, DCPU in a hlan bawk a ni. An ni hi kum 2017 atang khan CWC Lunglei member tur a ruat te niin theihtawpin naupang dikna chanvo humhalh kawngah hma an la a ni. Child Welfare Committee te hi sawrkar in 1st class magistrate power, naupang chungchang bikah chuan a pek te an ni. (In pic Child Welfare Committee member kalchhuak te leh ruat thar te)
