JJB

Juvenile Justice Board

Code of Criminal Procedure Code 1973 in a sawi danin State Sawrkar chuan engpawh nise District tinah Juvenile Justice Board pakhat emaw, a aia tam emaw a din ang a, chu chuan Naupang dan bawhchhia te (Children in conflict with law) chungchang ngaihtuaha rel fel turin he Danin thuneihna leh hnathawh tur a pek te a hlen chhuak ang tih hi ani. Board member te hi Metropolitan Magistrate emaw Judicial Magistrate First Class a ni tur a ni a, hei hi Principal Magistrate tia  sawi tur a ni. Member pahnih an ni tur a ni a, pakhat zawk hi Hmeichhia ani ngei ngei tur a ni. State Sawrkar chuan Board a Principal Magistrate leh member dangte chu naupangte enkawl, venhim, chhawmdawl leh dan hnuaia an chanvo chungchangah appointment pek an nih atanga ni 60 chhungin training a pe tur a ni a,  Board member te Term chungchang leh member te an inhnuhdawh theih dan tur chungchang chu danin a sawi ang a ni dawn bawk a ni.

He Juvenile Justice Board kan sawi mek hi a kalphung tlangpui han sawi dawn ta ila-

Danin a phut leh sawi ang zelin  Board chuan ro a relin thutkhawm pawh a buatsaih thin ang a, thubuai ngaihtuahna hmun leh relfel chungchang chu naupang tana nelawm zawnga buatsaih tur a ni a, a hmunhma pawh chu Court pangngai anga cheibawl tur a ni lo. Board thutkhawm loh lai chuan Child in conflict with law (naupang dan bawhchhia chu) Board member hma ah hruai theih a ni ang a, Member awm kim loh mai avangin Board thutkhawm chu a khaihlak tur ani lo a, member awm kim loh avangin Board thuchhuak chu thu tling loa ngaih tur a ni hek lo. Amaherawhchu, thutlukna tawp Final Disposal siam turin Principal Magistrate tela an siam a ngai thung ang. Board member te zingah thupek lailawk emaw thutlukna tawp emaw siam chungchangah ngaihdan inang lo a awm a nih chuan a tam zawk ngaihdan chu pawm a ni anga, amaherawhchu ngaihdan tam lam zawk awm loa  a inzat chiah a nih chuan Principal Magistrate ngaihdan anga thutlukna siam tur a ni.

Board thuneihna, hnathawh leh mawhphurhna:

Dan hman mekin eng pawh lo sawi ve mahsela, he dan hnuai thuneihna pek ang hi District  a Board thuneihna chu niin, a huam chhungah chuan Naupang dan bawhchhia te chungchangah Board chuan thuneihna pumhlum a nei a. He dan hnuaia Board thuneihna reng reng hi Section 19 hnuaiah emaw, appeal emaw, revision emaw avanga thubuai kalpui chhunzawm a nih chuan High Court leh Children’s Court te chuan chung thuneihna chu an nei ve ang.

Board thuneihna leh mawhphurhna te chuan heng a hnuaia mi te hi a huam ang:-

• Thubuai kal dan kimchang chu naupang leh a nu leh pa emaw Guardian emaw te hriattir te.
• Naupang man thubuai chhui enkawl zui After Care leh ngai awhtir lehna Rehabilitation zawng zawng ah naupang dikna leh chanvo te venhim a ni tih nemngheh te.
• Legal Service Institution kaltlangin dan lamah tanpuina a awm a ni tih naupang hriattir te.
• Naupangin tawng hman a man thiam lo anih chuan Board chuan atul ang Qualification leh experience nei tawng lettu emaw hrilhfiah tu emaw rawih man pek a rawih sak te.
• Board hmaa naupang hruai anih atanga chhiar a ni 15 chhungin pawikhawihna nia sawi chungchangah Social investigation thehlut tura Probation Officer emaw chutiang awm loh na hmunah chuan Child Welfare Officer emaw Social Worker emaw hriattir te.
• Naupang dan bawhchhiate enkawl thei tur fit person-a puang tura a tul anga enquiry lak te.
• Naupang dan bawhchhiate chunga pawikhawihna leh he dan hnuaia pawikhawihna thleng chungchang complaint a awmin First Information Report(FIR) ziak lut tura Police hnena Order pek te.
• Puitlingte awmna hmun JAIL tlawh leh endika JAIL ah chuan naupangte dah anni palh em tih uluk taka en fo a, naupang tang an awm palh a nih chuan rang taka Observation Home a dah a nih theih nana hma lak leh
• Hnathawh tur tul dang Danin a phut ang apiang thawh te hi an ni.

Pawikhawihtu nia rinhleh naupang man chungchang :-

Naupang dan bawhchhia  a puh naupang chu Police in a man ve leh Special Juvenile Police Unit emaw Child Welfare Police Officer a ruatte emaw kutah an hlan vat tur a ni a, anni chuan naupang chu man anih atanga darkar 24 chhung ngeiin Board hmaah an hruai tur a ni. State Sawrkar chuan he dan tlawhchhan hian a hnuai ami ang hian Rules a siam ang a, chungte chu Naupang dan bawhchhia a puh naupang Board hma a hruai turin mi tu pawh registered voluntary emaw non governmental organization emaw te pawh tiamin a ruat thei ang. Naupang dan bawhchhia a puh naupang Observation Home ah emaw Place of Safety ah emaw thawn dan tur mumal takin a siam tur a ni bawk a ni.

Pawikhawihtu naupang enkawltu mawhphurhna:

Mi tupawh a kuta naupang dan bawhchhia a awm chhung chu a chunga mawhphurhna pawh a la tel anga, chumi chu naupang nu leh pa te an nih phei cuan naupang enkawlna maintenance pawh a kutah a awm vek ang. Tin, naupang chu a nu leh pa te emaw midangin emaw dil pawh nise Board in chung naupang nu leh pa te emaw a diltu te  emaw chu awmpui tura tling zoa a ngai anih loh chuan Board in kawl rih tura a tih hnenah chuan naupang chu a awm chhunzawm zel ang.

Dan bawhchhiatna nei lo naupang chungchanga thupek: Enquiry atangin Board chuan dan hman mek dangin engpawh lo sawi ve pawh nise naupang chuan eng pawi mah a khawih loa a ngai a nih chuan a hmuh dan ang chuan Order a siam anga he naupang hi a bik taka venhim ngai (In need of care and protection) a a ngai a nih chuan hma la tura a duhdan te sawi telin Child Welfare Committee CWC hnenah a hlan chhawng thei a ni.

Naupang dan bawhchhiate chungchanga Board thupek (ORDERS):

Board chuan inquiry atangin naupang chu kum engzat pawh nise la, petty offence emaw serious offence a khawihin emaw naupang kum 16 hnuai lamin heinous offence a khawih emaw chuan dan hman mek dangin engpawh a kalh zawngin lo sawi ve pawh nisela pawikhawih chu engang chiah nge a nih te, a bik taka enkawl mamawh te,a nih dan te leh thil awm dan te Social Investigation Report in a tarlan ang te in leh naupang tun hma lam nungchang te uluk taka ngaihtuahin Board chuan tha a ti a nih chuan heng THUPEK (ORDERS) te hi a ti chhuak thei a ni.

• Inquiry atanga thlirin  naupang chu thurawn (advice) emaw zilhhauna pe in emaw, naupang leh anu leh pa te emaw, guardian emaw hnenah counseling pe in, In lamah a haw mai a phalsak thei a.
• A huhova counseling kal turin a ti thei bawk a.
• Vantlang hnathawhna hmun (Community Service) ah te naupang chu kal turin order a pe thei a.
• Naupang emaw, a nu leh  a pa emaw, guardian emaw chu leichawi (fine pe) turin a ti thei bawk a ni.
• Naupang chu a nu leh a pa emaw, guardian emaw, fit person hnenah emaw intiamkamna (bond) siamin mawhphurhna (surety) awmin emaw, awm lovin emaw Board in tha a tih angin an enkawlna hnuai ah a nun siamthat nan leh tha  taka alo seilen theih nan kum 3 aia rei lo awm turin enthlakna hnuaiah a chhuah zalen thei a hei hi Release on probation of good conduct tihna a ni.
• Naupang chu eng fit facility hnuaiah pawh a nun siamthat nan leh tha taka alo seilen theih nan kum 3 aia rei lo awm turin enthlakna hnuaiah a chhuah zalen thei bawk.
• Naupang chu in siam that lehna Reformative Service hrang hrang te, kutthiam thil leh counselling te, naupang chungchang siamthat leh na (behavior modification therapy) leh psychiatric support te dawng turin Special Home ah kum 3 thleng a dah thei ang.

Hengte hi tun dinhmun a JJB Member-te an ni.