CWC

Child Welfare Committee

State sawrkar chuan Official Gazzette–ah hriattirnna Notificaton ti chhuakin District tinah Committee a din ang a, he dan hnuaia Naupang a bik taka venhim ngai, Children in Need of Care and Protection CNCP kan tih mai te chunga thuneihna nei tur leh mawhphurhna te la turin pakhat aia tam pawh a din thei ang. Hriattirna chhuah anih atanga thla hnih chhungin Member te chu Induction Training leh Sensitization a pe tur a ni. Committee ah chuan Chairperson leh State sawrkar in tling zova a ngaih member dang pali a ruat te an awm ang a, chung zinga pakhat chu hmeichhia a ni tur a ni a, naupang lama thiamna bik  nei (expert) a awm ve bawk ang. Mi tumah  kum 3 aia rei Committee member ah ruat tur a ni lo bawk a ni. Committee hian Code of Criminal Procedure Code 1973 in Metropolitan Megistrate emaw Judicial Magistrate First Class emaw hnena thuneihna a pek ang thuneihna a nei a ni. Naupang chungchanga CWC chunga lungawi lohna nei reng reng chuan District Magistrate hnenah an thlen thei anga, District Magistrate chuan lo ngaihtuahin, tul a tih angin Order a pass thei bawk a ni.

Child Welfare Committee (CWC) kalphung tlangpui :- Committee hi thla tin Ni 20 tal an inhmukhawm ang a, an hnathawh dan tur leh kalphung tura duan te tha takin an zawm bawk tur a ni. Committee sitting loh lai pawhin member tu emaw ber hnenah naupang hruai theih a ni ang a, ani chuan Children’s Home ah emaw Fit person hnenah emaw a dah thei bawk a ni.  Committee in thutlukna a siam dawnin member te zingah ngaihdan inang lo a awm anih chuan, a tam zawk ngaihdan chu pawm ani ang a, amaherawhchu, ngaihdan tam lam zawk awm lova,  a inzat chiah anih chuan Chairperson ngaihdan anga thutlukna siam tur a ni. Member awm kim loh avang maiin Committee thuchhuak chu thu tling lova ngaih tur ni lova, amaherawhchu, CWC hian case a relfel dawn chuan Member pathum aia tlem lo an awm ngei tur a ni.

Committee thuneihna te han sawi zel ila, CWC hian Children in need of care and protection ten ngaihsak te, venhim te, enkawl te, tih hmasawn leh ngai awh leh theihna te an neih theih nan leh an mamawh  te an hmuh theih nan leh venhim an nih thieh nan thutawp siam turin thuneihna an nei ang. Dan hman mek dangin engpawh lo sawi ve mahsela he dan ah hian a kalh zawngin a inziak anih loh chuan CWC awmna hmun apiangah naupang abika venhim ngaite  chungchanga he danin thuneihna a pek zawng zawng te hmang turn CWC  hian thuneihna a nei a ni.

CWC  hmaa naupang hruai dan tlangpui te chu hetiang hi an ni a, Police Officer tupawh Special Juvenile Police Unit, Child Welfare Police Officer a ruat, District Child Protection Unit a thawk Officer ten an hruai thei a, Sawrkar hnathawk tu pawhin a hruai thei bawk a, Childline Services emaw Voluntary emaw NGO emaw, State Sawrkar in a a pawmpui agency emaw Child Welfare Officer emaw, Probation Officer emaw tupawh Social Worker leh vantlang thatna duhtu emaw  Nursing Home te, Maternity Home te, Hospital-a thawk Doctor te leh Nurse te pawhin an hruai thei anga amah Naupang vekin emaw amahin a in lan thei bawk  a ni.

Nupang enkawltu  hnen atanga naupang tla hlang an awm anih chuan report ngei ngei tur a ni a, he dan bawhchhetute chu Thla ruk chhung Lung In tang tura hrem theih an ni a, cheng singkhat thleng chawi tura hrem theih an ni a, a pahnih a hrem kawp theih an ni bawk ani. Hetiang naupang, a nu leh pa emaw chhungte hnen atanga tla hlang kan hria anih chuan Darkar 24 chhungin Childline NO.1098 a phone hmanga report emaw CWC  emaw Police Station hnai berah emaw District Child Protection Office hnai ber ah emaw report tur a ni.

Naupang Surrender:-  Nu leh pa in emaw guardian in emaw  naupang taksa lama harsatna nei te, Rilru lama harsatna nei te leh reihtheih luat vanga naupang enkawl  thei lo te chuan naupang an surrender duh a nih chuan CWC hma ah chu naupang chu an hruai ngei ngei tur ani a, Committee chuan inquiry leh counseling te a neih hnua kalpui zel tlaka a ngai anih chuan, naupang nu leh pate emaw guardian te emaw chuan Surrender Deed an siam ang. Nu leh pate emaw chhungte emaw chuan naupang an surrender duh tak zet em tih ngaihtuah tha leh turin thla hnih chhung an pe thin a,hemi chhung hian CWC chuan enquiry te la in, naupang chu enthlakna hnuaiah emaw a nu leh pa emaw chhungte hnenah emaw a dah lailawk thei a, naupang hian kum ruk a la tling lo a nih chuan Specialised Adoption Agency SAA kan tih mai hnenah emaw Chidren’s Home ah te a dah thei bawk  ani.

Naupang chhawmdawl ngai te chungchanga CWC Order siam theih te:  CWC chuan a hmaa naupang hruai reng reng te chu inquiry atangin Children in need of care and protection (A bika naupang venhim leh enkawl ngai)-a a ngai anih chuan Social Investigation Report atang te leh naupang chu ngaihdan nei rual a nih tawh chuan a duh dante uluk taka ngaihtuah chung zelin heng a hnuaia mi ang te hian order a tichhuak thei a ni. Chungte chu:

• Naupang chu in need of care and protection (a bik taka enkawl leh venhim ngai) ah a puang thei a.
• Naupang chu a nu leh pa te emaw a chhungte hnena dah letna order a siam thei bawk a.
• Naupang chu Children’s Home ah emaw fit facility emaw Special Adoption Agency ah te adopt (fa lak theih) turte, hun rei taka awm turin thupek a chhuah thei a,hun rei lo te  atan a dah thei bawk a, Home a naupangte hi an chhungte zawn chhuah theih an nih ngei theih nan theihtawp a chhuah thin a, zawn chhuah theih an nih pawhin chu naupang chu a chhungte hnena awm kha atan a tha ber em tih uluk takin an ngaihtuah leh thin a ni.
• Hun rei tak emaw rei vak lo atan emaw naupang chu Fit person hnenah a dah thei bawk a.
• CWC chu District Child Protection Unit te leh agency te nen thawk ho in naupang chuan a tha thei berin enkawlna a dawng em tih te uluk takin a zirchiang thin a ni.
• Naupang chu legally free for adoption, fa lak theih a ni tih a puang thei a, heng bakah hian
• CWC chuan heng order te hi a ti chhuak thei bawk a ni. Foster Care ti thei tur Fit person puan chungchang te, After Care support dawng thei tur te, a hnathawh kalphung dang kaihhnawih  order chhuah te a ni.

Naupang chungchang a ngaihtuah anih lai hian, CWC emaw JJB in naupang awm ve kher lo pawhin, inquiry a kalpui zel thei a, Committee emaw Board in emaw awm ve tura a ti anih loh chuan nuapang tel lo pawhin a chungchang chu an ngaihtuah chhunzawm thei ani.

A tawp berah chuan CWC emaw JJB emaw hian ama order tihchhuah tawh tihdanglam leh theihna power (Thu neihna) a nei a ni. Appeal leh Revision kalpui dan tur he Dana inziak palzut chuang lovin JJB emaw CWC emaw chuan khawi Institution ah nge naupang chu thawn anih ang tih te, tu enkawl leh vil zuina hnuaiah nge naupang chu dah tur ni ang tih chungchanga a Order  chu tidanglam tura dilna a dawng a nih chuan a ti danglam thei ani. Tin, Order siam thatna thu ngaihtuah a nih lai hian Board member pahnih tal awmin pakhat zawk chu Principal Magistrate a nih ngei a ngai a, order siam that chungchang ngaihtuahtu chu CWC a nih chuan Committee member pathum tal an awm ngei a tul a, anni bakah hian Case kaihhnawiha tel zawng zawng emaw an aiawh emaw te chu an awm ngei tur a ni a, order chu siam that a nih hmain an ngaihdante chu ngaihthlak a ni ang.

Tun dinhmuna CWC member-te chu hengte hi an ni: